Генералниот секретар на Обединетите нации, Антонио Гутереш, повика сите страни да работат на долгорочен мир на Блискиот Исток.
„Генералниот секретар ја поздравува објавата за двонеделен прекин на огнот од страна на Соединетите Американски Држави и Иран“, изјави неговиот портпарол Стефан Дижарик.
Дижарик додаде дека генералниот секретар „ги повикува сите страни во тековниот конфликт на Блискиот Исток да ги исполнат своите обврски според меѓународното право и да се придржуваат кон условите на прекинот на огнот, со цел да се отвори пат кон траен и сеопфатен мир во регионот“.
Гутереш, исто така, изразил „искрена благодарност за напорите на Пакистан и други земји во овозможувањето на прекинот на огнот“.
Американскиот претседател, Доналд Трамп, претходно изјави дека по разговорите со пакистанското раководство се согласил да се воспостави прекин на огнот меѓу САД и Иран во период од две недели.