Полицијата во Струмица лиши од слобода 68-годишен жител на градот, кај кого при извршен преглед биле пронајдени наркотични супстанции. СВР Струмица поднесе кривична пријава против лицето Б.П. поради сомнение за неовластено производство и трговија со дрога.
При контролата на 2 април, полициски службеници извршиле преглед на осомничениот и неговото возило, при што биле откриени околу 50 грама кокаин. По настанот, лицето било задржано во полициска станица.
По предлог на јавен обвинител, осомничениот бил изведен пред судија во Основниот суд во Струмица, кој му одредил мерка притвор во траење од 30 дена.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.