Одземени се лиценците на скопската фирма Алфафарм Груп поради констатиран кусок на сув цвет, немање на физичко обезбедување и немање видеонадзор. Двајца косопственици на Алфафарм се осомниочени за шверцот на марихуана од Македонија во Србија, Иван Драгниќ е осомничен во Србија, а во Македонија е осомничен Предраг Брковиќ.
Без лиценци останаа валандовската Green Life поради констатиран кусок на сув цвет и несоодветно пакување на сувиот цвет во сеф-соба, како и CBD Medplant поради кусок на сув цвет во сеф-соба и недоставување целосна документација до Комисијата за купопродажба.
Во ГринЛајф, сопственик преку белградска фирма е и Александар Мијаиловиќ кој е во бегство и е осомничен во Србија за организација на шверцот и складот со 5 тони марихуана кај Крушевац.
Голем дел од марихуаната откриена во Алфафарм пак била донесена од струмичката фирма ЦБД како и од Лајф плант.
Life Plant останала без лиценца поради недостиг на видео надзор во внатрешните простории, необезбедено физичко обезбедување согласно законските услови и недоставување документација за купопродажба на сув цвет.
На уште две фирми им се одземени лиценци, на Ata Farm пордик немање соодветен стручен кадар и необезбедено физичко обезбедување и видеонадзор и на Kanabinoids поради неисполнување на законските услови, недостиг на кадар, обезбедување и видеонадзор, како и констатирани несоодветни активности во дворот на правното лице (продажба на возила).
Министерот за здравство Азир Алиу во интервју за емисијата КОД на Телма, во неделата соопшти дека од 10 контролирани, 6 фирми за производство на медицински канабис ќе останат без лиценци бидејќи не ги почитувале законските обврски.
Марихуаната била шверцувана од Алфафарм со камион кој границата ја преминал со царинско-шпедициски документи за извоз на перници од Прилеп во Манчестер, Англија, објави КОД во неделата. Перниците биле заменети со марихуаната во Свети Николе на паркинг плас ноќта на 13-ти јануари по што транспортот заминал за Србија.
Еве ја листата на фирмите за кои е предложено одземање на лиценците:
- Alphafarm – констатиран кусок на сув цвет,необезбедено физичко обезбедување и видеонадзор
- Green Life – констатиран кусок на сув цвет и несоодветно пакување на сувиот цвет во сеф-соба.
- CBD Medplant – кусок на сув цвет во сеф-соба и недоставување целосна документација до Комисијата за купопродажба (доставено е само известување за транспорт).
- Life Plant – недостиг на видео надзор во внатрешните простории, необезбедено физичко обезбедување согласно законските услови и недоставување документација за купопродажба на сув цвет.
- Ata Farm – непостоење соодветен стручен кадар и необезбедено физичко обезбедување и видеонадзор.
- Kanabinoids – неисполнување на законските услови, недостиг на кадар, обезбедување и видеонадзор, како и констатирани несоодветни активности во дворот на правното лице (продажба на возила).
Миомир Серафиновиќ