Премиерот Мицкоски го предложи Гоце Наумовски, својот надворешен правен советник, за нов уставен судија, што пак во прашање ја става независноста на судството, реагираат денеска од СДСМ.
Од партијата велат дека Наумовски е брат на поранешниот вицепремиер за евроинтеграции, Васко Наумовски, што дополнително ја потенцира политичката врска.
Додаваат дека ова е нов пример на кадровски решенија од кабинетот на премиерот во највисоката судска инстанца, откако властите веќе го сменија јавниот обвинител и контролираат дел од обвинителството и Судскиот совет.
Според опозициската партија дел од експертите и дел од опозицијата предупредуваат дека овие чекори ја поткопуваат независноста на правосудството, создавајќи партиски контролирано судство и повторувајќи модели од времето на Никола Груевски, што може да доведе до поголемо ограничување на правната држава.
