Комеморација по повод 80-годишнината од почетокот на граѓанската војна во Грција и 78 години од прогонството на децата Македонци од егејскиот дел на Македонија денеска беше одржан во Скопје, кај споменикот на децата бегалци, кој со години стои вандализиран откако беа украдени бронзениот релјеф и букви и цевките во минијатурниот базен.
Организатори на комеморацијата беа граѓанските здруженија СМК и Македон кои се на став дека договорите со Бугарија и Грција се штетни и се закана за бришење на македонската историја и идентитет и истовремено изразија незадоволство од односот на државата кон споменикот.
Споменикот е откриен во далечната 1988 година по повод првата светска средба на децата бегалци од егејскиот дел на Македонија и преставува симбол на страдањето во периодот на Граѓанската војна во Грција.