Денеска напладне УПОЗ ќе соопшти дали ја прифаќа понудата на Владата за исплата на 8% додатоци на платите во период од три години или постепено зголемување на платите до 40% до 2028-та.
Претседателот на синдикатот, Дејановски, посочува дека иако понудата е помала од нивните првични барања, таа е прифатлива, но конечната одлука ќе зависи од мислењето на синдикатите од внатрешноста.
Конфедерацијата на слободни синдикати веќе ја прифатила понудата, со зголемување на платите на административните службеници во период од 25 до 26 месеци, почнувајќи од март годинава до март 2028, со дополнителни годишни покачувања од 8%.
Од КСС посочуваат дека секоја реална можност за подобрување на материјалната состојба на вработените треба да се искористи веднаш.
Владата условува од УПОЗ откажување од општите колективни договори, иако тие не се нивни потписници, а во случај на прифаќање работниците ќе потпишат нови колективни договори. Независно од одлуката, УПОЗ останува на барањето за минимална плата од 600 евра и дел од најавените протести.