Шест лица се повредени во напад со нож на плоштадот пред Операта во белгискиот град Антверпен, каде се одржувал протест. Две од жртвите се во критична состојба, а сите имаат убодни рани, соопшти портпаролот на локалната полиција Ваутер Браунс.
Полицијата уапсила двајца осомничени за нападот, кои според првичните наоди се измешале со демонстрантите. Четири од повредените биле пронајдени на плоштадот, а останатите две во околните улици.
На местото на настанот интервенирале медицински екипи кои им пружиле прва помош и ги пренеле во болница. Истражителите спроведуваат темелна истрага, вклучувајќи форензичка анализа, но засега нема информации за мотивите зад нападот. Полицијата продолжува со собирање докази и испрашување на сведоци.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.