Откако на почетокот на годинава стигнаа поплаки од граѓани за паушални сметки за електрична енергија од „Електродистрибуција“ во писмен допис објансуваат дека во наредниот период ќе врши отчитување на броилата со цел потрошувачите да добиваат сметки со реална, а не прогнозирана потрошувачка на струја.
За престојните празници ќе има организирани вонредни екипи кои ќе ги отчитуваат броилата. Тврдат и дека изминатиот период е зголемен процентот на проверени броила. Од комапнијата велат и дека почнале телефонска комуникација со околу 10 илјади потрошувачи кои поднеле приговори или поплаки за фактура за решавање на проблемот.
Од Електродистрибуција упатија и апел до граѓаните да продолжат со одговорно трошење на електричната енергија во текот на зимата.