Украинскиот претседател Володимир Зеленски вели дека избори во земјата можат да се одржат само доколку претходно се воспостави примирје.
„Ако има потреба од избори сега, мора да има примирје – барем за време на изборниот процес и гласањето,“ рече тој, обраќајќи се преку видеолинк од Киев.
Зеленски нагласи дека во Украина постои уверување дека САД треба да разговараат со руската страна за постигнување на таков договор.
Тој додаде дека Украина „не бега од демократијата“, но дека за спроведување избори е клучно да постои „безбедносна компонента“.
На виртуелниот состанок на Коалицијата на подготвените, каде учествуваа лидерите на Германија, Британија и Франција, Зеленски ја повтори својата позиција дека без основна безбедност е невозможно да се гарантира фер и безбеден изборен процес.