Владата ја продолжи постапката за разрешување на државниот обвинител Љупчо Коцевски, иако Советот на јавни обвинители претходно даде негативно мислење.
Предлогот стигна во Собранието, кое ќе ја донесе конечната одлука. Причините се исти како во февруари, кога постапката беше стопирана поради истрагата за трагедијата во Кочани.
Според подносителите, Коцевски сторил сериозни пропусти, меѓу кои неовластено изнесување информации и нарушување на угледот и функционалноста на Обвинителството.
Коцевски возврати дека Советот утврдил дека не сторил тешка дисциплинска повреда, што е услов за разрешување.
Меѓувреме, против Коцевски беше изгласана и интерпелација без правно дејство, а ЕУ во извештаите предупреди на ризик од политизација и неодмерено политичко влијание врз правосудството.
Б.С.