Поранешниот претседател на Бразил, Жаир Болсонаро, започна да ја издржува 27-годишната затворска казна по историската пресуда за организирање обид за државен удар по изборите во 2022 година.
Врховниот суд ја одби неговата последна жалба, а судијата Александре де Мораес нареди тој да остане во притвор.
Болсонаро е сместен во изолирана ќелија со посебни услови, а неговата одбрана најавува нови барања за домашен притвор поради наводни здравствени проблеми… За истиот случај осудени се и повеќе негови блиски сојузници – генерали, поранешни министри и разузнавачи – додека еден од нив избегал во САД.
Судот утврди дека групата планирала насилно соборување на власта, вклучувајќи ликвидации на челните политички фигури и поттикнување бунт.
Пресудата предизвика масовни протести и политички тензии во земјата, а меѓународно внимание привлече и критиката на американскиот претседател Доналд Трамп, кој процесот го нарече „лов на вештерки“.