На свеченост во Националната опера и балет (НОБ) вечерва беше доделена наградата „13 Ноември“ која ја доделува Град Скопје на физички и правни лица за промоција на константните вредности во науката, уметноста, здравството, културата, образованието и спортот.
Добитник на наградата од областа на публицистикита e д-р. Марјан Патлиџанковски, од областа на образованието и воспитанието м-р Весна Недановска, од областа на културата Јавна Установа Градска библиотека „Браќа Миладиновци” од Скопје и Сузана Марковска, од областа на науката д-р Марјан Бојаџиев, од областа на уметноста Димо Илиев, проф. д-р.Марија Јовановски Срцева од областа на здравствената заштита, Делвина Крлуку од областа на социјалната заштита, во областа на спортот и физичката култура Зоран Михајлов и Кристијан Јанев.
„Денес, покрај сеќавањето, оддаваме и признание на сите оние кои што го градат духот на нашиот град. Наградата „13 Ноември“ е благодарност за луѓето кои со својата работа, знаење, човечност продолжуваат заеднички да ја водат борбата за подобро Скопје. Им честитам денес на сите добитници. Вашата работа и успех се доказ дека Скопје живее и денес“, изјави Орце Ѓорѓиевски, градоначалник на Скопје.
