Прегазено 11-годишно девојче во Скопје – возачот избегал

11-годишно девојче од Скопје синоќа било прегазено на улицата „Перо Наков“ во Гази Баба. Возачот избегал, а девојчето со тешки телесни повреди е префрлено на скопските клиники. Полицијата се уште трага по возачот.

• „На 28.10.2025 во 20:30 часот во СВР Скопје е пријавено дека на ул.„Перо Наков“ во Скопје, патничко возило удрило во 11-годишна малолетничка од Скопје, по што возачот со возилото го напуштил местото на настанот. Во несреќата со тешки телесни повреди се здобила малолетничката, констатирани во Комплексот клиники „Мајка Тереза“. Извршен бил увид од увидна екипа од СВР Скопје и се преземаат мерки за пронаоѓање на возачот и за целосно расчистување на случајот“, пишува во полицискиот билтен.