Се вршат претреси во домови за стари лица во Скопје по добиени сознанија за нехуман третман на корисниците, при што две лица се уапсени, соопшти Јавното обвинителство.
- „Вчера беа извршени претреси на четири локации поврзани со две приватни установи за социјална заштита на стари лица. Денеска се вршат претреси на уште две поврзани локации. До овој момент две лица се лишени од слобода“, соопшти Јавното обвинителство.
Покрај полиција и обвинителство, вклучени се и инспектори од Министерството за социјална политика, од Државниот санитарен и здравствен инспекторат, Инспекторатот за труд и Агенцијата за храна.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.