Болните и немоќни лица кои нема да можат да гласаат на своето избирачко место имаат уште три дена да се пријават за гласање дома. Според Роковникот на Државната изборна комисија, избирач што, поради болест или немоќ не може да гласа на своето место, треба да ја извести Општинската изборна комисија најдоцна до 10ти октомври на полноќ.
За да му се овозможи гласање во домашни услови,до истата комисија треба да се достави и соодветна медицинска документација. На 14ти октомври истекува и рокот за пријавување на лицата кои издржуваат мерка куќен притвор и сакаат да гласаат.
Немоќните или болни лица, лицата во куќен притвор, затворениците и корисниците на старски домови гласаат еден ден пред изборите-на 18ти октомври. Гласањето во домовите го спроведуваат избирачките одбори.
Според Избирачкиот список, за локалните избори 2025 се запишани вкупно 1.832.415 избирачи. Од тие, 112.000 се во во посебниот список за лица на привремена работа/престој во странство,но дијаспората не гласа на овие избори. 2.162 лица се на издржување казна затвор или во притвор, а 450 се од домовите за стари лица. Најмногу избирачи има во Тетово – 87 878, а најмалку – 1905 во Лозово.
Далиборка Демјанска Цветановска