Текстилната индустрија во криза, но дали државата има стратегија за спас на оваа гранка или излезот се гледа во други дејности? – Случувањата во Европа и светот, последниците од тарифите и многу други фактори влијаат врз падот во текстилната индустрија.
Но, Ирена Јакимовска, сопственичка на „Комфи Ангел”, вели дека оваа гранка има иднина и во Македонија, но потребна е национална стратегија за спас на текстилната индустрија. Државата треба да се фокусира и на инстант и на долгорочни решенија за да опстои гранката, посочува Јакимовска.
Бројот на вработени во текстилната индустрија во изминатата деценија е преполовен. Компаниите малку вложуваат во модернизација, а странските партнери користата евтина работна сила, вели Кристина Ампева од „Гласен текстилец“ во изјава за „Бизнис објектив”.
