Германската министерка за надворешни работи во заминување, Аналена Баербок, изјави дека економската безбедност е поврзана со „целокупната безбедност“.
Бербок ова го кажа пред средбата на шефовите на дипломатиите на земјите членки на НАТО која се одржува еден ден откако американскиот претседател Доналд Трамп објави нови царини за сите увозни производи.
Бербок, која пристигна во Брисел по посетата на Украина и Молдавија, рече дека прашањата за економската безбедност не можат да се одвојат од прашањата за „нашата безбедност“, за што доказ е и хибридната војна што ја употреби рускиот претседател Владимир Путин.
„Повеќето држави во овој свет не се заинтересирани само за правични безбедносни правила, туку и за фер и слободна трговија“, рече таа, додавајќи дека Европа е „силно позиционирана да се заштити себеси“.
