Три сектори во Македонија добиваат најголем дел од над двесте милиони евра државна помош, но резултатите не се задоволувачки и затоа системот на државна помош мора да претрпи извесни измени и реформи, покажува анализата на институтот „Фајнанс Тинк“.
Мрежа на економски тинк тенкови, периодов извршиле мапирање на државната помош во шесте држави во регионот. Се испитувале сумата, видовите на државна помош и кому се наменети. Во текот на истражувањето имало проблеми во делот на прибирањето податоци и транспарентноста.
Во Македонија, државната помош расте од година во година, две третини се наменети за земјоделието а остатокот за домашни компании и странски инвестиции. Гледано по држави доминира земјоделието но и сектори како туризам или енергетика.
Меѓутоа, резултатите од вложените пари мора да бидат подобри особено во делот на земјоделието и потребна е извесна реформа.
Кога станува збор за странските инвестиции и државната помош, истражувањето покажа дека државната помош не е клучна за привлекување, туку и пристап до работна сила, регулатива и предвидливост. Иако Владата најави дека моделот на субвенционирање на странски инвестиции засега не е познато што ќе биде различно.
Регионално работење и заедничко привлекување на странски инвестиции е едно од решенијата кои се предлагаат за подобри резултати и ефекти.
Огнен Чанчаревиќ