Марко Рубио, републикански сенатор од Флорида, е номиниран за нов државен секретар на САД, објави новиот американски претседател Доналд Трамп.
„Чести ми е да објавам дека го номинирам сенаторот Марко Рубио за нов сдржавен секретар на САД. Марко е почитуван лидер и силен заговорник за слобода. Ќе биде добар застапувач на нашата земја, искрен пријател на нашите сојузници и борец кој никогаш нема да отстапи пред нашите непријатели“, наведе Трамп во соопштението.
Рубио на платформата Икс напиша дека е „голема одговорност да се води Стејт департментот и оти е почестен од укажаната доверба на Трамп“.
„Скеојдневно ќе работам на спроведување на неговата надворешно-политичка агенда. Под водство на претседателот Трамп ќе донесеме мир преку сила, а интересите на Америка ќе бидат секогаш над сè“, напиша Рубио на Икс.
Марко Рубио ја застапува Флорида од 2010 година и моментно го извршува третиот мандат. Роден е во 1971 година во Мајами и син е на кубански имигранти. Пред да стане сенатор, Рубио беше член на градската влада на Мајами, а потоа претседаваше и со долниот дом на парламентот на Флорида.