Во Францускиот институт во Скопје вечерва во 18 часот ќе биде отворена модната изложба „Носиме УМЕТНОСТ/llevamos ARTE/nous portons l’ART“, составена од креации на студентите на Катедрата за дизајн на текстил при Технолошко-металуршкиот факултет во Скопје, под креативно водство на професорката и модна дизајнерка Лидија Георгиева.
Со омаж на Пикасо и на кубизмот, Амбасадата на Шпанија го поддржа проектот на професорката и модна дизајнерка Лидија Георгиева, која, со студентите на Институтот за дизајн и инженеринг на облека при Технолошкометалуршкиот факултет, организираше модна ревија во Музејот на град Скопје. Преку избор на дел од овие модни креации, Францускиот институт во Скопје и Амбасадата на Шпанија продолжуваат со омаж на еден најголемите сликари на дваесеттиот век со изложба во излогот на Францускиот институт во Скопје.