Бизнис секторот не очекува проблеми со снабдување на струја во текот на зимата, но околу ценатта сѐ е можно. Причина за овој страв од скок на цената на струјата е што има најава за затварање на нуклеарни централи во Европа, но и војната на европскиот континент Украина-Русија.
Бизнисот е изложен на цената на берзата за струја во Будимпешта, а во текот на зимата очекуваат да биде нешто поголема. Димитров смета дека оние компании кои инвестираа свои сончеви централи на кровните конструкции ќе имаат можност да ги намалат трошоците за струја. Во моментов во општина Штип во тек се 40 постапки за сончеви централи, а во Свети Николе има 30 компании кои на 50 хектари произведуваат струја на сонце. Овој регион веќе станува лидер за производство на струја од обновливи извори, за неколку месеци се очекува изградбата на најголемата сончева централа на Балканот, а под фотовотаиците ќе се одгледуваат бостан, тикви, краставици и други култури.
Централата „Стипион„ кој ќе биде со моќност до 400 мегавати ќе се гради на местото на карго аеродром, во атарите на селата Три Чешми, Врасаково, Криви Дол и Мустафино и ќе се простира на околу 500 хектари земјоделско земиште. Француската инвестиција тешка околу 300 милиони евра е единствен од ваков тип во регионот.
Викторија Димитрова Јованова
