Анализите се готови, предлозите на Државниот завод за статистика прифатени што најмногу се троши, а утре владата треба да даде зелено светло за 25 категории храна кои ќе бидат со замрзнати цени, пониски за 10 отсто од цената по која се продавале на први август. 50 производи и стотици артикли од среда треба да се најдат на рафтовите со црвена етикета и назив „Гарантирана цена“, во спротивно казни и клуч за маркетите.
Оние категории производи кои нема да бидат опфатени во делот храна трговците ќе можат сами да ги пријават во Министерството за економија.
Акции и промоции ќе се дозволат, но не и на производи на кои наскоро им истекува рокот, одново се дообјасни Бектеши по реакциите на граѓаните.
Преговорите ќе продолжат и со трговците со алкохол, други пијалоци и хигиенски производи, кои во наредниот период би потпаднале под истата мерка како и храната. При крај се и промените со кој Пазарениот инспекторат ќе добие правна можност да става клуч на марктеите кои не ги почитуваат владинтие мерки.
Павле Беловски