На петтиот ден од Светското првенство во пливање забележано е уште едно најдобро постигнување на сите времиња.
Штафетата на Австралија 4 пати по 200 метри слободно во женска конкуренција до златниот медал стигна со време од 8 минути 37 секунди и 50 стотинки и скоро за две секунди го подобри досегашниот светски рекорд. Второто место го освоија пливачките од САД додека со бронзата се закити Кина.
Французинот Леон Маршан го освои и третото најсјајно одличје и тоа по победата во трката на 200 метри мешано. Тој забележа време од 1 минута 54 секунди и 82 стотинки што е нов европски рекорд и тој влезе во историјата како прв пливач од Франција кој успеал да освои пет светски титули. Маршан во оваа дисциплина славеше пред Британците, Данкан Скот и Том Дин.
Тројната олимписка шампионка Кајли МекКион триумфираше на 50 метри грбно, втора на целта пристигна Американката Реган Смит, а трета е Лора Кокс од Велика Британија.
На 200 метри градно злато за Канаѓанката, Самер Мекинтош која славеше пред Елизабет Декерс од Австралија и Реган Смит.
И во финалето на 100 метри слободно златен медал за Кајл Чемберс од Австралија, кој триумфираше пред Џек Алексеј од САД и Максим Гросе од Франција.