На Светското првенство во фудбал во женска конкуренција се одиграа три натпревари.
Во првиот дуел од второто коло во Е групата, репрезентацијата на САД играше без победник во соочувањето со Холандија.
Холанѓанките поведоа со погодокот на Џил Рорд во 17. минута, а во 62. Линдзи Хоран успеа да го израмни резултатот.
Во вториот натпревар Португалија славеше со 2:0 над Виетнам. Телма Енкарнасао во седмата беше стрелец на водечкиот гол, а конечниот резултат го постави Кика Назарет во 21. минута од средбата.
И во натпревар со кој се комплетираше второто коло во Б конкуренцијата, Нигерија забележа победа од 3:2 во дуелот против Австралија.
Домаќинот на Мундијалот поведе со голот на Емили Ва Егмонд во првата минута од судиското надополнување во првото полувреме. Пет минути подоцна Учена Кану израмни на 1:1 и на одмор се замина со овој резултат.
Во продолжението Нигерија постигна два погодоци во низа, Осиначи Охале и Асисат Осахоала донесоа предност од 3:1, а во десеттата минута од судиското надополнување во вториот дел Алана Кенеди беше стрелец на вториот гол за Австралија.
ФОТО: Игор Паневски