Светскиот првак Аргентина првиот натпревар надвор од земјата по освоената титула на Мундијалот во Катар ќе го одигра во Кина, а противник ќе биде селекцијата на Австралија.
Мечот ќе се одигра на 15 јуни на Работничкиот стадион во Пекинг кој има капацитет од 68.000 гледачи, а според последните информации влезниците ќе се продаваат во текот на два дена и тоа една недела пред одигрувањето на натпреварот.
Цената на билетите се движи од 76 до 630 евра, а уште од сега владее огромен интерес и поради стравувањето од активирање на црниот пазар организаторите решија влезниците да се продаваат со лични документи кои ќе мора да се приложат и при влегување на трибините.
Сепак и покрај овие строги правила веќе се појавија понуди за продажба на билети на платформата Таобао каде за резервирање на влезници за ВИП зоната се нудат 2400 евра.
ФОТО: Игор Паневски