Во пресрет на финалето од фудбалската Лига на шампиони што ќе се одигра следната сабота во Истанбул, познати се сите учесници за следното издание на елитното натпреварување.
По триумфот во Лига Европа, Севилја ја комплетираше листата од 26 клуба кои имаат директен пласман додека останатите шест кои ќе влезат во конкуренција за настап во фазата по групи ќе бидат познати по одигрувањето на квалификациите.
Максимален број на претставници, пет има Шпанија и покрај Севилја дел од елитното натпреварување ќе бидат Барселона, Реал Мадрид, Атлетико Мадрид и Реал Сосиедад. По четири екипи ќе имаат Англија и Германија, а по три Италија.
За прв пат во историјата свој претставник кој има директен пласман е Србија, а дел од шампионската Лига ќе биде Црвена Звезда.
Фазата по групи почнува на 19 септември, а решавачките дуели за влез во Лигата на шампионите на програмата се кон крајот на август.
ЕКИПИ СО ДИРЕКТЕН ПЛАСМАН ВО ЛШ
ШПАНИЈА: Барселона, Реал Мадрид, Атлетико Мадрид, Реал Сосиедад и Севилја.
АНГЛИЈА: Манчестер Сити, Арсенал, Манчестер Јунајтед и Њукасл
ГЕРМАНИЈА: Баерн, Борусија Дортмунд, Лајпциг, Унион Берлин
ИТАЛИЈА: Наполи, Лацио, Интер
ФРАНЦИЈА: Пари Сен Жермен, Ленс
ПОРТУГАЛИЈА: Бенфика, Порто
ХОЛАНДИЈА: Феенорд
Шкотска: Селтик
СРБИЈА: Црвена Звезда
АВСТРИЈА: Салцбург
УКРАИНА: Шахтар Доњецк
ФОТО: Игор Паневски