Од полноќ поскапуваат Еуросупер БС-98 и Екстра лесното масло за домаќинство за половина денар. Цената на Еуросупер БС-95 и Еуродизелот останува непроменета.
Согласно денешната одлука на Регулаторната комисија за енергетика (РКЕ), новата цена на Еуросупер БС-98 ќе биде 83 денари, а на Екстра лесното масло за домаќинство 68 денари за литар. Цената на Еуросупер БС-95 останува 80,5 денари за литар и на дизелот 69 денари за литар.
Малопродажната цена на мазутот се зголемува за 0,742 ден./кг. и сега ќе изнесува 40,175 ден./кг.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување и курсот на денарот во однос на доларот е повисок за 0,145 проценти.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.