Кошаркарите на Денвер се пласираа во финалето од разигрувањето за титулата во Западната конференција.
Во шестиот натпревар од серијата подобар од седум Денвер како гостин славеше над Феникс со 125:100 и по трет пат од 1985 година ќе се борат за титулата на Западот.
Никола Јокиќ мечот го заврши со 32 поени, 12 асистенции и 10 скока, Џамал Мареј беше стрелец на 26 поени додека Кентавиус Калдвел Поуп забележа 21 поен и пет освоени топки под обрачите.
Во поразениот тим Камерон Пејн имаше учинок од 31 поен и шест скока, а Кевин Дурент додаде 23 поени и пет асистенции.
Бостон триумфираше над Филаделфија со 96:86 и се избори за седми решавачки меч во трката за пласман во финалето на Истокот.
Маркус Смарт имаше учинок од 22 поени, седум скока и седум асистенции, Џејсон Тејтум стигна со 19 поени и девет освоени топки, а Малколм Брогдон постигна 16 поени.
На спротивната страна Џоел Ембид имаше 26 поени и 10 скока додека Тајрис Макси беше стрелец на 26 поени.