И покрај фактот што неодамна се најавуваше дека Жоао Феликс ќе си замине од Челзи, медиумите во Велика Британија пишуваат дека клубот од Стемфорд бриџ ќе се обиде на друг начин да го откупи договорот со Атлетико Мадрид.
Челзи нема намера да ги плати бараните 100 милиони евра и за комплетирање на трансферот на Португалецот е подготвен да понуди размена на играчи.
Во пакетот се дури тројца фудбалери, а станува збор за Марк Кукурења и Пјер Емерик Обамејанг плус кеш за откуп на договорот.
Најголем проблем околу реализацијата на планот е напаѓачот Обамејанг кој неодамна изјави дека е подготвен да си оди од Челзи, но само под услов да се пресели во Барселона каде се очекува враќање на Лионел Меси.
Медиумите во Британија сметаат дека доколку пропадне опцијата со Обамејанг може да се најде ново решение со оглед на фактот дека е долга листата на прекубројни на Стемфорд бриџ.
Развојот на преговорите меѓу двата клуба го следат Манчестер Јунајтед и Пари Сен Жермен кои исто така се заинтересирани младиот репрезентативец на Португалија.
ФОТО: Игор Паневски