Само еден ден по завршувањето на квалификациите за Европското првенство, ЕХФ ги објави квалитативните садови пред жрепката за првата фаза од континенталниот шампионат што следната година ќе се одржи во Германија.
Македонската репрезентација која во овој циклус го освои второто место во групата сместена е во третиот сад заедно со селекциите на Хрватска, Босна и Херцеговина, Полска, Чешка и Србија.
Репрезентациите ќе бидат поделени во шест групи по четири, а учеството во продолжението од шампионатот го продолжуваат освојувачите на првите две места.
Жрепката ќе се одржи на 10 мај во Диселдорф, а пред извлекувањето на групите познато е дека домаќинот Германија ќе биде дел од А конкуренцијата и своите натпревари ќе ги игра во Берлин.
Хрватска ќе се најде во Б групата што се игра во Манхајм, Исланд е во Ц конкуренцијата и ќе настапи во Минхен.
Норвешка ќе биде во Д групата што се игра во Берлин, Шведска како бранител на трофејот ќе биде во Е групата чиј домаќин е Манхајм, а во Минхен ќе настапи светскиот првак Данска и своите мечеви ги игра во Минхен.
Европското првенство ќе се игра во периодот од 10 до 28 јануари.
РАКОМЕТ – ЕВРОПСКО ПРВЕНСТВО / КВАЛИТАТИВНИ САДОВИ
САД 1: Шведска, Шпанија, Данска, Франција, Норвешка, Исланд
САД 2: Германија, Холандија, Словенија, Унгарија, Португалија, Австрија
САД 3: МАКЕДОНИЈА, Хрватска, БиХ, Полска, Чешка, Србија
САД 4: Швајцарија, Романија, Црна Гора, Грција, Грузија, Финска, Фарски Острови.
ФОТО: Игор Паневски