Во првиот натпревар од полуфиналната серија во Западната конференција, Денер на домашен терен го совлада Феникс со 125:107.
Прва ѕвезда на натпреварот беше Џамал Мареј кој забележа 34 поени и девет асистенции, Никола Јокиќ додаде 24 поени, 19 скока и пет додавања, а Арон Гордон мечот го заврши со 23 поени и шест освоени топки под обрачите.
На спротивната страна Кевин Дурент имаше учинок од 29 поени и 14 скока додека Девин Букер впиша 27 поени и осум асистенции.
Вечерва на програмата ќе се одигра и првото полуфинале на Истокот во кое Њујорк го пречекува Мајами додека Сакраменто и Голден Стејт ќе го одиграат решавачкиот дуел за влез меѓу четирите најдобри во Западната конференција.