Доколку се реализираат најавите на медиумите во Италија, летниот трансфер период ќе остане без една од најголемите ѕвезди.
Преговорите меѓу Милан и Рафаел Леао влегуваат во завршна фаза и наводно треба да се расчисти само уште една дилема.
Португалецот дал начелна согласност за продолжување на соработката на пет години и тој на Сан Сиро ќе остане до 2029 година.
Неофицијално Леао во Милан ќе инкасира седум милиони евра по сезона плус два милиони на име на бонуси што е драстично зголемување на примањата со оглед на фактот дека тој до сега годишно инкасираше 1,5 милиони евра плус бонус.
Пред официјализирање на новиот договор останува да се расчисти само обештетувањето кон неговиот поранешен клуб Спортинг Лисабон кој наместо предвидените 16,5 достигна сума од 22 милиони евра и е предмет на недоразбирање меѓу двете страни.
Во Милан веруваат дека и овој проблем ќе биде надминат и Рафаел Леао ќе остане во клубот иако претходно се поврзуваше со можни трансфери во Реал Мадрид или Челзи.
ФОТО: Игор Паневски