Шпанскиот репрезентативец Ејмерик Лапорт по секоја цена летово сака да си замине од Манчестер Сити и кариерата да ја продолжи во Барселона.
Дваесет и осум годишниот дефанзивец оваа сезона има одиграно само осум меча за првакот на Англија и незадоволен од статусот кај Жозеп Гвардиола веќе побарал дозвола за трансфер.
Лапорт во Сити дојде пред пет сезони и за него беше платено обештетување од 57 милиони евра.
Поранешниот фудбалер на Атлетик Билбао со Манчестер Сити има договор до 2025 година и откупна клаузула од 124 милиони евра, но неговата вредност на пазарот е скоро за половина помала и се чини дека тој можеби и ќе се врати во Шпанија за сума од околу 50 милиони евра.
Неофицијално Лапорт е многу блиску до трансфер во Барселона која исто така очајнички се обидува да најде квалитетно решение за пополнување на дефанзивната линија.
ФОТО: Игор Паневски