Француската влада влера склучи договор со големите трговци на мало за ограничување на многу цени на храната, во обид да ги олесни инфлаторните притисоци за потрошувачите.
Малопродажните групи ќе ги намалат цените за широк спектар на прехранбени производи, а изборот ќе биде оставен на нивна дискреција, „на најниско можно ниво“ до јуни, изјави министерот за финансии Бруно Ле Мер.
Ова ќе го претвори април до јуни во „квартал против инфлација“, додаде тој.
Трговците на мало се согласија да ги сносат трошоците за иницијативата, за која Ле Мер рече дека ќе изнесува „неколку стотици милиони евра“.
Инфлацијата на храната беше 14,5 отсто во февруари на годишно ниво, според националниот институт за статистика ИНСЕЕ.
Повеќето големи продавачи на храна во Франција учествуваа во разговорите.
Но, некои здруженија на потрошувачи, се скептични за „антиинфлациската“ иницијативата, која доаѓа во пресрет на уште еден ден масовен протест и штрајк против плановите на владата да го реформира пензискиот систем во Франција.
„Без никакви фиксни правила за цените, таканаречената ‘намалена цена’ всушност може да биде само вообичаената цена“, изјави Оливие Андро од здружението UFC-Que Choisir за АФП.
Министерот Ле мер изјави дека ќе има проверки на самото место за да се осигураме дека трговците на мало не ги притиснале своите добавувачи за да го надополнат недостигот од приход.
Ле Мер, исто така, рече дека владата ќе започне со тестирање на системот за „чек на храна“ за семејства со ниски приходи во текот на следните месеци.