Македонската машка ракометна репрезентација попладнево заминува за Злин каде утре против селекцијата на Чешка ќе го одигра првиот дуел од баражот за пласман на Светското првенство.
Пред патувањето селекторот Кирил Лазаров дополнително го скрати списокот на играчи кои ќе бидат во комбинација за утрешниот меч. Од 23-цата кои беа дел од мини подготовките во Скопје за Чешка ќе заминат 18 играчи, а меѓу нив е еден дебитант Петар Атанасиевиќ од Еурофарм Пелистер 2, кој ќе биде алтернатива за повредениот Ненад Костески. За Злин нема да патуваат уште Марко Стојковиќ, Дарко Кондев, Павле Атанасиевиќ и Марко Кизиќ.
Нашите ракометари попладнево од скопскиот аеродром тргнуваат во 17 часот и 40 минути, а мечот со Чесите се игра утре и почетокот е закажн за 20 и 15.
ФОТО: Игор Паневски