Кристијан Ериксен почна да тренира со својот поранешен клуб Одензе и сега има амбиции да се врати на највисоко ниво и покрај тоа што минатото лето за време на Европското првенство доживеа срцев удар.
Данецот беше мртов неколку минути откако се струполи на теренот за време на натпреварот со Финска. Медицинскиот тим успеа да го врати во живот, а потоа му беше извршена и операција на срцето и вграден дефибрилатор.
Неговата кариера во Интер заврши, бидејќи италијанските закони не дозволуваат професионално спортување со вграден дефибрилатор.
Ериксен во своето прво интервју по несреќата, вели дека и натаму има амбиции на фудбалскиот терен.
„Мојата цел е да играм на Светското првенство во Катар 2022 година. Сакам да играм. Тоа е мојата мислам уште од самиот старт. Тоа е мојата цел и желба, дали ќе бидам одбран, тоа е веќе друга работа. Сигурен сум дека можам да направам кам-бек, бидејќи физички не чувствувам ништо различно. Во добра форма сум“, рече Ериксен во интервјуто.
Тој исто така не заборави да им се заблагодари на сите навивачи кои му испраќаа пораки додека беше во болница