По само четири месеци минати на клупата на Тотенхем, Нуно Еспирито Санто доби отказ. Лондонскиот клуб сезонава има разочарувачки резултати, а решавачки за судбината на Португалецот беа двата порази во низа, особено неуспехот против Манчестер Јунајтед.
Дуелот во Лондон требаше да биде решавачки за судбината на Оле Гунар Солшер, чија судбина зависеше од епилогот на натпреварот Тотенхем, а настрада неговиот колега на спротивната страна. Еспирито Санто мора да се повлече од функцијата, Тотенхем од почетокот на првенството во 10 натпревари има по пет победи и порази и во моментов се наоѓа на десеттото место, далеку од битката за шампионската титула.
По смената на менаџерската функција, челниците на клубот експресно успеаа да најдат замена и во продолжението на клупата на Тотенхем ќе седне Антонио Конте, кој начелно ја прифатил понудата и во текот на денот треба да пристигне во Лондон каде треба да стави потпис на новиот договор.