Попладнево ќе се комплетира 12. коло во домашниот фудбалски шампионат. Второпласираниот тим на табелата Ренова му гостува на Скопје кој на последниве три средби ја нема почувствувано горчината на поразот, а воедно составот предводен од Љупчо Марковски има две победи во низа.
Бранителот на трофејот Шкендија го пречекува Тиквеш, а Работнички кој во финишот од првиот круг на првенството има серија од четири натпревари без победа гостува во Велес каде ќе се соочи со Борец, кој пак пет средби едно по друго нема освоено цел плен.
Во дербито на долниот дел од табелата Пелистер ќе се обиде на дуелот со Македонија ЃП конечно да ја забележи првата победа во првенството додека гостите очекуваат да прекинат низата на лоши резултати.
Сите натпревари почнуваат во 14 часот.
ПМФЛ – 12. КОЛО
БОРЕЦ – РАБОТНИЧКИ
СКОПЈЕ – РЕНОВА
ПЕЛИСТЕР – МАКЕДОНИЈА ЃП
ШКЕНДИЈА – ТИКВЕШ
СТРУГА – АКАДЕМИЈА ПАНДЕВ
ФОТО: Игор Паневски