На клиниката во Ниш денеска почина познатиот специјалист по пулмологија и алергологија, професорот Анѓелко Ѓорчев, на 72 годишна возраст, потврди неговото семејство.
Докторот Ѓорчев падна во кома набргу откако ја примил вакцината против коронавирусот во Ниш на 28-ми март. Тој оттогаш не се разбуди и беше во критична состојба.
Од клиниката во Ниш соопштија дека компликацијата на неговат здравствена состојба не е последица на примената вакцина ниту пак на хроничните кардиоваскуларни проблеми, заради кои претходно му биле направени 4 бајпаси.
Ѓорчев имаше исклучителни професионални ангажмани во областа на пулмологијата. Како врвен специјалист, долги години работеше на клиниката за пулмологија а последните години во Неуромедика.
Тој беше и член на повеќе реномирани здруженија од САД и Европа со фокус на респираторните здравствени проблеми.
Неговиот син, Влатко Ѓорчев, беше пратеник во македонското Собрание од редовите на ВМРО-ДПМНЕ.