По неколкучасовни преговори и координации со посредство на премиерот Заев , власта и опозицијата постигнаа договор за законите од петиот сет антикризни мерки. Вмро Дпмне предложи, а СДСМ прифати, да се повлечат сите останати точки кои се на дневен ред на 36-та седница. Законите за финасиска помош на поединци, работодавачи и стопанството ќе се носат по скратена постапка. На истата седница ќе се потврди и Одлуката за продолжувањ ена кризната состојба.
Иако претпладнево собранискиот спикер Талат Џафери на брифинг со новинарите рече дека не разговара со некој кој има ултиматуми и нема намера да отвори друга седница, по еден час се случи спротивното.
СДСМ изрази жалење што поради двајца пратеници заболени од Ковид не можеле да се донесат законите кои се од интерес за професионалните војници и здраствените работници.
Предлог законите од петиот пакет мерки ќе се разгледуваат во матичните комисии.И покрај фактот што Алијанса-Алтернатива најавија дека со амандмани ќе ги блокираат законите , комисиската расправа може да трае најмногу три дена а потоа законите одат на усвојување на пленарна седница.
Јулијана Пешевска