Токму во годината што измина на штипското семејство Андонови здравјето им беше најважно. Со коронавирусот се соочија четири члена од семејството, не знаат како влегол во нивниот дом, но 54 годишната Ели претпоставува дека си го нашол патот преку контактите од работното место.На почетокот кластерите беа под контрола, во април се формираше големиот текстилен кластер, но од фабриките излезле поради непочитувањето на мерките и занемарувајќи ги симптомите, па во јуни Штип стана голем кластер.
Ели е позитивен и ведар лик, болеста ја поминала дома со полесни симптоми, но нејзиниот сопруг потешко, завршил на штипското Инфективното одделение, борејќи се за здив со помош на големите боци за кислород. Токму во тие моменти штипјани покажале солидарност и хуманост, кон пациентите од останатите градови на истокот.
Ели е и еден од хероите во битката со пандемијата, таа била и волонтер во штипскиот ковид центар и дарувала крвна плазма, за да се спаси човечки живот.
Третман на херои кои го имале од министерот Филипче и од вработените на трансфузиологија во Скопје, никогаш нема да го заборави. Единствена желба во 2021 година на семејството Андонови е никој да не се соочи со вирусот и со стравот животот на некој да му виси на конец од пајакова мрежа.
Викторија Јованова