Одредена е мерка притвор за 54 годишен професор во училиште во Крушево кој пред два дена во 10 часот извршил полови дејствија врз дете –негова ученичка на возраст од 15 години, која му била доверена заради учење.
„Кривичното дело осомничениот го сторил напаѓајќи го детето во училница, притоа оштетеното дете го оттурнало од себе и излегло од училницата“, се наведува во соопштението од Основното јавно обвинителство.
Оттаму посочуваат дека по поднесена кривична пријава од полицијата обвинителство во Прилеп донесе наредба за спроведување на истражна постапка против професорот поради постоење на основано сомневање дека го сторил кривичното дело – Обљуба со злоупотреба на положбата од член 189 став 2 од Кривичниот законик. Судот со решение на осомничениот му определи мерка притвор во траење од 30 дена.