Во споредба со предвремените парламентарни избори, кои се одржаа пред пет месеци на овие избори во Штип преполовен е и бројот на старите и изнемоштени лица кои ќе гласаат во сабота.
Во своите домови правото на глас ќе го остварат 66 лица.
Минимален е интересот за остварување на правото на глас на предвремените избори за градоначалник од страна на ковид болните и лицата кои се во изолација.
Во петок во Штип ќе гласаат само 12 ковид инфицирани и изолирани, а бројката на активни случаи е над 500, додека во изолација се околу 1.000. Наместо пет лекарски избирачки одбори, ковид болните ќе ги посетат две екипи.
Низ затворите во земјава ќе гласаат и 67 осуденици, кои се од Штип. Изборната кампањата на петмината кандидатите за градоначалник е на самиот финиш, остануваат уште два дена да ги презентираат своите програми.
Колкав е бројот на гласачи на овие избори за градоначалник ќе се знае утре или задутре, кога пристигнува доверливиот материјал.
На 13 декември 77-те избирачки места ќе се отворат во 7, а ќе се затворат во 19 часот.
Викторија Јованова