Медицинска сестра од од хируршкото одделение на Битолската клиничка болница почина од компликации предизвикани од Ковид-19.
Како што информираат од Министерството за здравство 55-годишната жена во тешка здравствена состојба била донесена на болница, а предходно подолг период била на боледување. Таа е прва жртва на вирусот меѓу здравствените работници од Битола.
На социјалните мрежи пораки со сочувство си споделуваат жителите на Крушево, по информацијата од Здравствениот дом Крушево дека починал матичниот лекар Вангел Трајчулески, познат како Луше.
Бројот на здравствените работници кои ја губат битката со корона вирусот постојано расте, во октомври почина штипскиот хирург, Ѓорѓи Денков, а предходно познатиот кумановски хирург Драган Тасевски, кој имаше 60 години.
Прва жртва на коронавирусот беше 58-годишна медицинска сестра од Берово, која почина во август годинава.