Вести Свет

Во Израел протести за оставка на Нетанјаху

Илјадници Израелци синоќа демонстрираа во Ерусалим, барајќи оставка од премиерот Бенјамин Нетанјаху, кому му се суди за корупција и е обвинет дека не одговорил соодветно на кризата предизвикана од пандемијата на коронавирусот.

Помали протести се одржаа и во другите делови на Израел и пред куќата на Нетанјаху во крајбрежниот град Цезареја.

На протестот во Ерусалим, демонстрантите се собраа на влезот од градот и се упатија кон резиденцијата на Нетанјаху носејќи израелски знамиња, како и црни знамиња кои се симбол на едно од протестните движења.

На транспарентите што ги носеа пишуваше „Ова не е политика, ова е криминал“.

Владејачката коалиција на Нетанјаху привремено избегна можен распад оваа недела откако беше договорено со неговиот поранешен ривал, сега коалициски партнер Бени Ганц, гласањето за буџетот да се одложи до декември.

Доколку Ганц и Нетанјаху не успееја да се договорат за одложување на гласањето за буџетот, владата ќе паднеше и Израел ќе имаше четврти општи избори за помалку од две години.

Кризата предизвикана од пандемијата на коронавирусите поттикнува протести затоа што, по првичниот успех во запирање на ширењето на заразата, Израел премногу брзо ја отвори својата економија во мај, што доведе до нагло зголемување на бројот на заразени.

Во Израел се заразени повеќе од 113.000 луѓе, а бројот на жртвите се доближува до 1.000.

Невработеноста е поголема од 20 проценти, а на протестите учествуваат и луѓето погодени од рестриктивните мерки.

Во меѓувреме, на Нетанјаху му се суди за измама, злоупотреба на доверба и примање мито.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Игра на тронови во Обвинителството: Вишото скопско повторно обезглавено- в.д. Крстевска Цалева си поднела оставка, Советот дознал денеска и ќе одлучува на наредна седница

Дејан Дејан

Пожар во куќа во центарот на Куманово

Дејан Дејан

Се сретнаа Лавров и Рубио, во Ријад почнуваат руско-американските разговори

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе