Во Психијатриската болница Демир Хисар во моментов има вкупно 296 пациенти. Од нив, по тестирањето на 58 пациенти, позитивни на ковид-19 се 19 пациенти од три одделенија, информираат за Телма од Министерството за здравство.
16 позитивни пациенти се регистрирани од едно одделение, а двајца пациенти се од друго одделно одделение и во трето одделение има еден случај на коронавирус.
Во однос на возрасната група на заболените, еден пациент е на 27 годишна возраст, а останатите пациенти се на возраст од над 55 години.
Според информацијата од Министерството за здравство од 19-те позитивни пациенти, еден пациент е починат на 73-годишна возраст во Градската општа болница „8 Септември“. Овој случај е регистриран во редовната статистика на 3 август 2020 година.
Од психијатриската болница Демир Хисар посочуваат дека вчера беа земени уште 29 брисеви за тестирање на пациенти во одделението каде има двајца позитивни на коронавирус. Исто така, земен е брис и на вработен во одделението.
Во моментов, позитивни на ковид-19 од вработените се една медицинска сестра и еден физички работник од економија.
Од почетокот на пандемијата, Психијатриската болница Демир Хисат разработи протокол на функционирање во услови на ковид-19. Протоколот за прием на пациенти предвидува мерење на телесна температура, земање на епидемиолошка анамнеза, при секој прием пациентот мора да помине 14 дена во изолација во посебен објект во установата наменет само за тоа, информираат за Телма од министерството за здравство.
За состојбата во психијатриската болница Демир Хисар Телма разговараше со директорката на болницата, Татјана Лозановска
.
https://youtu.be/LQGigBjKWqU
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.