Со заштитни маски, граѓаните од 7 часот во голем број излегоа на гласање. На избирачкото место 2640, што го посети нашата екипа, кое се наоѓа во училиштетото „ Петар Поп Арсов“ , во скопската населба Карпош 4, се почитуваа протоколите за заштита од Ковид-19. Се држеше дистанца на влезот на гласачкото место, се дезинфицираа рацете пред и по гласањето, а и членовите на избирачките одбори носеа заштитна опрема и седеа на растојание. Граѓаните очекуваат фер и демократски избори, но и просперитет во државата, решавање на повеќе комунално- урбанистички прашања, подобрување на економијата и вработувања за младите.
Според заменичката претседателка на избирачкиот одбор, Лидија Водјаник, на избирачкиот список имаат 850 гласачи, до 07 и 20 часот , 13 граѓани го оствариле гласачкото право, а избичаркиот материјал и заштитната опрема ги добиле на време.
На 10 парламентарни избори , согласно можното пролонгирање на гласањето поради почитување на здравствените протоколи, ќе се гласа до 21 часот. На овие избори се гласа на 3480 гласачки места, а се избираат кандидати од 4 коалиции и 11 политички партии.
Сотир Трајков