Министерот за здравство Венко Филипче не смеел да го користи службеното возило за партиски цели и со него да замине на митинг во Штип па затоа Антикорупциска ќе бара од Владата да поведе постапка за негова одговорност.
Инаку, службениот автомобил на министерот Филипче, е сопственост на Агенцијата за разузнавање која го има остапено на министерството за здравство. Од здравствго пак потврдија декја тој ден, министерот бил службено во Штип но сепак потоа се појавил на партиски настан и учествувал во презентација на програмата на коалицијата „Можеме“ заедно со претседателот на СДСМ Заев и генералниот секретар Николовски.
На денешната сзедница антикорупционери разгледуваа уште два приговори на опозициската ВМРО – ДПМНЕ кои не беа прифатени.
Во првиот случај станува збор за обраќање на престедателот на СДСМ Зоран Заев на браната Конско, еден од капителните проекти на Владата кој сеуште е во изградба. За опозицијата е спорно министерството за земјоделство дозволиле негово обраќање. Од министерството пак сметаат дека не го прекршиле изборниот законик бидејќи не се работи за старт на изгреадба или пуштање во употреба на објект финансиран од државни пари.
Антикорупционерите пак заклучија дека настанот се одржал во време кога на сила сеуште беше на сила вонредната состојба и дека станува збор за предвреме почната кампања.
Од ДИК соопштија дека казната која ја предвидува законот за предвремено водење на кампања е 8 илјади евра.
Третиот приговора се однесуваше на оглас распишан од Агенцијата за млади и спорт за финансиска поддршка на здруженија и фонадации за справување со КОВИД. Антикорупционерите не најдоа ништо спорно бидејќи парите ќе бидат доделени откако ќе завршат изборите.
Од Антикорупциска повторно апелираа до носителите на јавни функции кои учествуваат во изборните активност да направат прецизна граница меѓу државните и партиските активности и државните работи да не се користат во партиско промовирање.
Огнен Чанчаревиќ