Претседателот на Србија, Александар Вучиќ, вечерва на РТС изјави дека не е изненаден од откажувањето на посетата на Сергеј Лавров, потсетувајќи дека претходно кажал дека ќе има компликации.
Вучиќ изјави дека е создадена атмосфера, односно хистерија од организирани напади врз мала земја како што е Србија, каква одамна не видел.
– Кога зборуваме за тоа, не станува збор за добивање и губење политички поени – рече Вучиќ.
Претходно денеска рускиот амбасадор Александар Боцан-Карченко на средбата со српскиот претседател Александар Вучиќ изјави дека рускиот министер за надворешни работи Сергеј Лавров бил спречен да дојде во Белград затоа што рускиот владин авион не ги добил потребните дозволи за да лета во Белград.
„Ние ја осудивме инвазијата на Украина, но Русија е традиционален пријател на Србија. Што ќе им кажете на луѓето да ги прекинат односите со Русија? Дали навистина мислите дека треба да го избркаме Чајковски од училиштата и оперите? Па, што треба да научат и читаат децата ако не Достоевски“, рече Вучиќ, вечерва на РТС.
„Како претседател, ниту јас нема да бидам дел од глутницата. Да се укине традицијата? Сакав да го прашам Лавров кога ќе добиеме противпожарен хеликоптер. „Како е Вучиќ негативец на кој треба да му се отсече главата? Дали сакате да им го кажете тоа на членките на НАТО – Турција, затоа што Лавров оди во Анкара? А Турција има 32 пати повеќе летови за Русија. Не сакате да ја протерате од НАТО?”, истакна српскиот премиер.