Илјадници Албанци маршираа низ главниот град Тирана против проектот за развој на туризмот поврзан со зетот на американскиот претседател Доналд Трамп, Џаред Кушнер.
На 10-тиo по ред протест, демонстрантите држеа транспаренти и извикуваа слогани против проектот за кој екологистите велат дека би можел да го оштети уникатниот екосистем и живеалиште на заштитената област Звернец-Нарта Лагуна.
Владата вели дека развојот би бил трансформативен, бидејќи се стреми да влезе на пазарот за луксузен туризам и се залага за членство во Европската Унија.
–Револуцијата на Фламинго“ стана неофицијално име за тековните антивладини протести во Албанија, кои влегуваат во својот десетти ден. Митинзите привлекоа меѓународно внимание поради негодувањето што го изразија демонстрантите кон луксузниот проект за недвижнини поврзан со ќерката на американскиот претседател Доналд Трамп, Иванка Трамп, и неговиот зет, Џаред Кушнер. Инвестициската фирма на Кушнер, „Афинити партнерс“, е вклучена во потенцијален развој на островот Сазан во луксузен одморалиште вреден 1,6 милијарди долари, како и на блиските мочуришта во областа Вјоса-Нарта, информира репортер на АП.
